SERVICIOS > ANÁLISE DE TERRAS
*Igalia é unha consultora de Software Libre especializada no desenvolvemento de solucións innovadoras. Os nosos enxeñeiros contan con experiencia nunha ampla gama de áreas tecnolóxicas, entre as que se inclúen as tecnoloxías web do lado de cliente e os navegadores web, a pila gráfica, compiladores e as máquinas virtuais.
Igalia deseña, desenvolve, personaliza e optimiza solucións baseadas en GNU/Linux para empresas de todo o mundo. O noso traballo e contribucións están presentes en moitos proxectos tales como o kernel de Linux, GStreamer, Mesa 3D, WebKit e Chromium.
Igalia defínese polas persoas que a integran, que participan activamente no día a día da empresa e na decisición do seu rumbo a longo prazo. Contamos cunha estrutura horizontal e cooperativa, na que as tarefas e responsabilidades se comparten de maneira equitativa. Todo isto vai da man dun forte compromiso cos valores de igualdade, do software libre e da innovación colaborativa, así como co obxectivo de contribuír a mellorar o mundo a través da participación en iniciativas sociais.*
