SENDA VERDE TV RURAL > CONTIDOS
Guía de gravación caseira para voluntariado de Senda Verde TV
Esta guía busca dúas cousas: calidade suficiente (para que se poida emitir) e boas prácticas (rigor, respecto ás persoas e ao territorio), coherente coa misión de Senda Verde: formar, conservar/recuperar e informar con veracidade e participación cidadá.
O estándar mínimo para que unha peza sexa admitida
As 5 regras imprescindibles (salvo casos excepcionáis):
- O Audio é determinante. Se non se entende, non se emite.
- Luz suave e estable. Procurando que se vexa ben as caras das persoas
- Plano estable. Empregando un tripode ou buscando un apoio.
- Mensaxe clara en 20–90 segundos (ou cunha estrutura clara se é máis longo).
- Datos contrastables. Nomes, lugar, data, e o “que pasa” sen inventar nada.
2) Equipo recomendado (por orde de impacto)
Nivel 1 (mínimo):
- Móbil + auriculares con micro (os de cable adoitan ir mellor ca moitos sen fíos)
- Gamuza para limpar a lente
- Fonte de enerxía
Nivel 2 (moi recomendable):
- Micrófono de solapa (con cable) compatible co teu móbil
- Tripode pequeno ou soporte
- Pequena luz LED (opcional)
Nivel 3 (para entrevistas serias):
- 2 solapas (entrevistador/a e entrevistado/a) ou micro direccional
- Tripode alto
- Reflector sinxelo (cartolina branca)
AXUSTES DO MÓBIL
Antes de gravar, fai isto:
Lente limpa (sempre).Modo avión (evitas chamadas e notificacións).Resolución: 1080p (Full HD) é suficiente.FPS: 25/30 fps (o máis estándar). Non uses 60 se non sabes por que.Enfoque e exposición bloqueados: mantén premido na cara da persoa e bloquea (AE/AF Lock).Non uses zoom dixital. Achégate ti.Grava en horizontal para reportaxes/pezas; vertical só se é contido pensado para redes verticais.
SON
O mellor vídeo con mal son é lixo.
Interior: evita ruídos parásitos (TV, radio, extractor, neveira se molesta).Exterior: procura abrigarte do vento (entre paredes, detrás dun coche, nun portal).Distancia do micro:Solapa: 15–20 cm da boca (no peito, centrado).Sen micro: móbil a 40–60 cm como máximo.Proba de 10 segundos: grava e escoita cun auricular. Se non se entende, cambia de sitio ou pon micro.
LUZ E IMAXE
Nunca coa ventá ás costas. A persoa queda en silueta.Ventá diante ou a 45º é a mellor luz gratis.Evita luces do teito que fan sombras feas; mellor luz lateral suave.Fondo limpo e con contexto (horta, obradoiro, monte…), pero sen distraer.Composición: ollos a 1/3 superior da pantalla; deixa “aire” cara onde mira.
TIPOS DE PEZAS E ESTRUTURAS QUE FUNCIONAN
A) “Micro-peza” informativa (20–60 s)
Que pasa? (1 frase)Onde e cando?Por que importa para a xente do lugar?Un dato ou testemuñoPeche: “Seguiremos informando / máis en Senda Verde TV”
B) Reportaxe curta (1–3 min)
Entrada (10–15 s): Posta en situación, como ganchoEntrevista principal (30–60 s)Recursos: mans traballando, planos do lugar, detalle de produtos, camiños, sinais, auga…Outro punto de vista (15–30 s) se é posiblePeche: conclusión útil + chamada a participar/seguir
C) Titorial formativo (2–6 min)
Problema (“hoxe imos resolver…”)Materiais necesariosPasos numerados (planos detalle)Erros típicosResumo final
ENTREVISTAS: como sacar algo bo en 5 minutos
Intro (30")
Presenta o tema e pide permiso para gravar.Dille que fale en frases completas (non “si/non”).
Durante:
Preguntas que funcionan:“Que está a pasar aquí exactamente?”“Como vos afecta no día a día?”“Que solución propoñedes?”“Que debería saber alguén de fóra?”
Non interrompas. As pausas dan boa resposta. Repite a pregunta en forma de resposta se a persoa contesta curto: “Entón, o que me dis é que…”
Despois:
Pide unha frase final curta: “Se puideses dicir unha cousa á xente, cal sería?”
RECURSOS
Regra: por cada entrevista, grava 10–20 planos de apoio.
Lista de planos recurso:
Plano xeral do lugar (5–8 s)Plano medio da acción (5–8 s)
Plano detalle (mans, ferramentas, etiqueta, sementes, auga) (5–8 s)
Elementos sonoros (auga correndo, animais, mercado) (10 s de audio ambiente)
Consello: grava planos de 8–12 segundos, quietos, e repite 2 tomas se podes.
RIGOR, ÉTICA E DEREITOS (imprescindible)
Senda Verde quere informar con veracidade e respecto.
Normas básicas:
Identifica sempre: parroquia/concello, data aproximada, quen fala (nome e rol se acepta).Non afirmes datos dubidosos (“din que…”) sen dicir a fonte.Se é denuncia: pide probas (documentos, fotos, testemuños) e conta só o verificable.Menores: non gravar nin publicar sen permiso expreso do titor legal (e mellor evitar caras).Persoas vulnerables: prioridade ao coidado e ao anonimato se procede.Privacidade: non amoses matrículas, enderezos exactos, documentación persoal.Dereitos de música: evita música de fondo en bares/actos se vai quedar no vídeo; mellor silencio/son ambiente.Permisos rápidos (modelo oral): “Dás permiso para gravar e publicar isto en Senda Verde TV?” (queda gravado ao inicio ou ao final).
SEGURIDADE NO CAMPO
ORGANIZA O MATERIAL: para non perder nadaNon graves en zonas de risco (maquinaria, taludes, río con corrente) sen distancia e sentido común.Chaleco reflectante se estás en estrada.Coidado con drons: só persoal autorizado e conforme normativa (se non, non usar).
Ao rematar, fai isto:
Nome do ficheiro (formato):AAAA-MM-DD_Concello_Lugar_Tema_Autor_Toma01.mp4Exemplo:2026-01-04_Arzua_CampoDoVento_HortaSolidaria_ManuelR_Toma01.mp4
Carpetas:
01_VIDEO02_AUDIO03_FOTOS
04_DOCUMENTOS(cartaces, permisos, notas)
Nota rápida (texto no móbil):
Quen?Onde?Que pasou?3 datos claveContacto da persoa entrevistada (se aceptou)
LIST DE VERIFICACIÓN (hai que facelo de rutina)
Antes:
Lente limpaModo aviónProba de sonLuz correcta (sen contraluz)Permiso para gravar
Durante:
Plano estable1 entrevista clara10+ planos de recurso10 s de son ambiente
Despois:
PLANTILLAS ÚTILES (para que vos saia rápido)Gardado e nomeado correctoNota de contexto feitaCopia de seguridade (nube ou ordenador)
Presentación (voluntario/a)
“Son ___ de Senda Verde TV. Estamos recollendo o que pasa no rural para informar e aprender xuntas. Contas en dúas frases que está a ocorrer aquí?”
Peche
“Grazas por escoitar. Se queres participar ou propoñer temas na túa zona, contacta con Senda Verde TV.”
