Cont-aromaticas - Fundación Galicia Verde

A natureza ofrécenos unha extraordinaria diversidade vexetal que debemos coñecer polos grandes beneficios que nos pode proporcionar. Falamos de plantas aromáticas, cuxos aceites esenciais son un auténtico tesouro; de plantas amigas que nos poden axudar a manter afastados os depredadores das nosas hortalizas; de plantas silvestres comestibles; e de plantas denominadas medicinais polas súas valiosas achegas á nosa saúde.

Resulta difícil clasificar por seccións unha variedade tan ampla de plantas, xa que moitas delas poden ser utilizadas en diversas circunstancias e con obxectivos moi diferentes. Por iso, decidimos organizar unha lista única coas súas posibles aplicacións e engadir, en cada caso, unha ligazón que permita acceder a máis información.

Aínda que moitas destas plantas forman parte da memoria colectiva e poden ser utilizadas con fins terapéuticos, deberá consultar co seu médico antes de consumilas. A Fundación Galicia Verde declina toda responsabilidade polo uso persoal que se poida facer delas, aínda que estea baseado nas nosas recomendacións.